اية الفرق بين حكومتنا وحكومة الكيان الصهيوني

منقول عن اخوان اون لاين فارس بركات: لن أترك حقي

الأمن وضع القيود في يد فارس بركات رغم حالته السيئة!!

- الأمن يتعامل بقسوة وقوة وعنف شديد لا يعقل - تعلمنا في الإخوان أن نواجه كل شيء بصبر وثبات - أريد تحقيقات شفافة وألا يكون هناك أي اعتبارٍ لأية جهة حوار- حسين محمود: "فارس بركات" هو ضحية جهاز أمن الدولة بدمنهور الذي تم إلقاؤه من شرفة الدور الرابع بعقار بشارع الموازين بمدينة دمنهور بواسطة المخبر السري جمال طايع بناءً على تعليمات الرائد ناجي الجمال الضابط بمباحث أمن الدولة بدمنهور؛ وذلك أثناء حملة الاعتقالات التي طالت 24 شخصًا ينتمون لجماعة الإخوان مساء السابع عشر من مايو الماضي. بركات مصاب بأربعة كسور بالفخذ والحوض والرجل اليسرى وعظمة الأنف؛ فضلاً عن أنه يعاني في الأساس من عجزٍ بالقدم اليمنى.. يمكث في مركزٍ طبي بمحافظة الإسكندرية يستكمل فيه علاجه وقد حالت الظروف الأمنية المشددة على مستشفى دمنهور التعليمي الذي وضع فارس بركات تحت الحراسة المشددة عقب دخوله دون إجراء حوارٍ معه.. لكن (إخوان أون لاين) استطاع رغم كل التضييقات الوصول إلى بركات عبر الهاتف ليجري معه هذا الحوار السريع، وإلى نص الحوار.. * لو عدنا سريعًا إلى يوم 17 مايو الماضي في وقعة إلقائكم من الدور الرابع.. ماذا حدث؟ ** كنت بصحبة زوجتي في زيارة لصديقنا أحمد عيد الذي دعا مجموعة أخرى من أصدقائنا، وأثناء وجودنا عنده فوجئنا بطرقٍ شديد على الباب فاتجهت نحو شرفة البلكونة لأرى ماذا يجري؛ ففوجئت بأن الطرق الشديد تحول في ثوانٍ إلى كسرٍ لباب الشقة ودخول قوات أمنية كبيرة بطريقة بشعة أصابت الأطفال الموجودين بخوفٍ وهلعٍ شديدين، وبكاء لا يتوقف، وكل ما أتذكره بعدها أثناء شدنا وجذبنا مع الأمن ورفضنا أسلوبه الهمجي في التفتيش وإصراره على ذعر الأطفال أن ناجي الجمال- الضابط بمباحث أمن الدولة- والذي كان موجودًا سمعته يقول لأحد المخبرين "هات الواد ده- يقصدني- ويلاّ ارميه" وكل ذلك أشعر أنه لم يأخذ إلا ثوانٍ في ظل الفوضى الموجودة. لم أحس بعدها بنفسي إلا في قسم الإفاقة بمستشفى دمنهور التعليمي أعاني من كسورٍ شديدةٍ بجسمي رغم عجزي في قدمي اليمنى التي أُصيبت وأنا طفل صغير. وأُجريت أولى العمليات لي بعدها بأيام، وتم تحويلي إلى المركز الطبي بسموحة في انتظار العملية الثانية أيضًا بعد أيام. * هل قمت بالتوقيع على هذه الأحداث بمباحث بندر دمنهور؟ ** لا أتذكر ما حدث يومها بالتحديد، فحالتي كانت صعبة للغاية، خاصةً أن المقدم محمد عمار بمباحث بندر دمنهور جاء لي بعد الوقعة بيومٍ واحدٍ على ما أذكر وأخذ مني أقوالي، لكن بصدق لا أتذكر ماذا قلت له!!. وحشية وحشية الأمن تظهر على وجه الضحية فارس بركات * كيف ترى الأسلوب الأمني الذي تعامل معك وأنت الآن بسببه طريح الفراش؟ ** أولاً: أسلوب أمني غير مسئول ويتعامل بوحشية وقسوة وعنف شديد لا يعقل مع أننا مسالمون، ولسنا إرهابيين أو متطرفين.. ولكن هذه طبيعة الأمن في عصرنا الحالي، والتي تجاوزت الأخلاق والقانون والأعراف. ثانيًا: لا زلتُ حزينًا من وضع كلابشات بيدي أثناء مرضي مع أنني لا حول لي ولا قوة، وهذا يوضح التعامل الأمني غير العاقل وغير الإنساني حتى مع المرضى. * هل يمكن أن تحدثنا عن حال الأسرة الآن بعد هذه الوقعة؟ ** الحمد لله على كل شيء.. والأسرة بخير وتعرف أننا نواجه ابتلاءً وموقفًا صعبًا، لكننا جميعًا متماسكون ومُصرون على السير في طريق الحق. * هل يمكن أن تتراجع تحت أي ضغوطٍ أمنية عن مطالبتك بمحاكمة الجاني؟ ** لن نترك حقنا ولن نتراجع عنه مهما كانت الضغوط علينا، فليس هناك ضغوط أكثر مما أراه وأحسه الآن وأنا على فراش المرض.. فليفعلوا ما يشاءون، وأنا أطمئن إخواني أننا بخير ومستمرون في المطالبة بحقوقنا والحمد لله، كما سمعت أن التعاطف مع قضيتي كبير للغاية، وهذا بفضل الله عليَّ، وأسأله تعالى أن ينتقم ممن ظلمنا. كذب * لكن الأجهزة الأمنية تزعم أنك ألقيتَ بنفسك، وأن الإخوان يروجون هذه القضية كذبًا؟ ** هذا كلام غير حقيقي.. مش ممكن أرمي نفسي.. أرميها للتهلكة.. وأرمي نفسي عشان إيه شهر اعتقال ولا شهرين ولا شهور؟.. نحن تعلمنا في مدرسة الإخوان أن نواجه كل شيءٍ بصبرٍ وثبات ونحتسب أي ظلم يقع علينا سواء من اعتقالٍ أو غيره في سبيل الله. * ماذا تريد من النيابة والجهات التي تتابع قضيتك؟ ** أريد تحقيقات شفافة، وألا يوضع اعتبار لأية جهة في الأمر، وأن يمنح صاحب الحق حقه بالقانون فإخفاء حقي تحت أي اسم باطل، فلن أتركه في الدنيا أو الآخرة، والله حسبي ونعم الوكيل.

لماذا

الاسم أحمد محسن محمد عبد الرحمن
الديانة مسلم وعايز يقدم حاجة لحدمة دينة لان الاسلام هو الحل علشان كدة بيحاول يعرفة للناس بالشكل الصحيح
الجنسية مصري وبيحب بلده
المهنة دكتور صغير لسة
الشهادات الحاصل عليها بكالريوس طب عام 2007
للغة الانجليزية toefl شهادة
التهمة حب مصر ومحاربة الفساد وكشف الخيانات وتبيين الانتهاكات ورفع الظلم من قبل حكومة ظالمة وعميلة وفاسدة
والانتماء لجماعة الاخوان المسلمين
اعتقل فى عام 2008 وقضى شهران فى سجن طره ثم افرج عنه لعدم ثبوت التهمة الموجهه اليه او بمعنى اصح ما فيش تهمة
ثم اعتقل مؤخراً على خلفية اعتداءات البلطجية بمساعدة واشراف من جهاز امن الدولة بالفيوم على طلاب جامعة الفيوم يوم الاربعاء 4/8/2009
وتم فيها اعتقال الطلاب المصابين وعلى هذة الخلفية أعتقل جهاز الامن بالفيوم عدد من رموز الاخوان المسلمين فى المحافظة كان من بينهم المدون أحمد محسن
وهو الان بسجن المرج

_____________________

الاسم محمد إبراهيم الشيخ
الجنسية مصري وبيحب بلدة وبيحاول إنة يكون من المصلحين داخل هذا الوطن المغلوب على أمره
الديانة مسلم وهى دى التهمة
المهنة مدرس موقوف عن العمل بتهمة الانتماء لجماعه الاخوان المسلمين علشان ما يوصلش فكرة ان الاسلام هو الحل للاجيال القادمة
التهمة حب مصر ومحاولة نشر الاسلام بين عامة الشعب المصري والعمل على رفعة هذا البلد ومحاولة للقضاء على الفساد الموحود داخل هذا الوطن
والانتماء الى جماعة محظورة ومحظورة لآن هى بتكشف الظلم والفساد والخيانة الموجودة داخل هذا البلد وتقوم بأظهار عمالة الحكومة لصالح العدو الصهيوني
عدد مرات الاعتقال ... بصراحة من كتر المرات اللى اعتقل فيها انا مش عارف اعد ولكن اخر ما اتذكر
اعتقل فى عام 2008 من المدون احمد محسن ايضا فى سجن طرة وكانت المدة ايضا شهران
واعتقل مؤحرا على خلفية احداث جامعة الفيوم
ورغم مرض الاستاذ محمد ابراهيم الشديد لم يتم الافراج عنة لاسباب صحية رغم انهم قالوا انه سوف يتم الافراج عنة ولم بحدث ذلك
وهو الان والكثير من اخوانة خلف القضبان فى سجن المرج

____________________

إلى متى
سوف يستمر هذا الظلم بعد كل هذة الاعتقالات والانتهاكلت المستمرة على الشرفاء فى هذا الوطن
والى متى سوف يظل هذا الشعب صامتاً رغم الظلم الواقع عليه وتققيد الحريات وتضيق المعيشة
انا خايف الشعب بفضل نايم لحد ما يلقى نصفة فى المعتقل والنصف الثانى شغال عبيد عن اليهود
حسبنا الله ونعم الوكيل
فى كل من ظلمنا او تعدى علينا ووالله

كيف تصبح محافظاً او وزيراً

سوال يطرح نفسة أزاى تبقى محافظ أو وزير أو رجل مهم فى الدولة وخلاص
ودى أسهل الطرق علشان ما تتعبش نفسك
.........

يبقى او جزء من السوال وهو كيف تصبح وزير

هنبدا من البدابة
1- اعمل كارنية حزب وطنى علشان تبقى معروف عند الحكومة من صغرك ان انت بتاع الكومة
2- بعد ما تخلص دراسة كدة وربنا يكرمك وتعمل مشروع وتتجوز اعمل قرض من اى بنك بحجة ان انت هتعمل مشروع للشباب
وخد الموضوع بجد اول مرة وسدد الديون اللى عليك للبنك وبعد كدة اعمل كذا قرض بهذة الطريقة
3- كدة البنك اطمنلك وبقيت عميل مهم عندهم المرة دى بقى اعمل اكتر من قرض من اكتر من بنك بس تكون قروض كبيرة
واعمل مشروع سكنى او مدينة جديدة وطبعا هتاخد الارض ببلاش من الحكومة وابدا فى بداية بتائها وخد فلوسك واخلع على برة اقعد سنة او اتنين واعمل مشاريع هناك
الحكومة طبعا هتقعد تبحث عنك وتشوف الفلوس اللى سيادتك شفطها من الشعب والمشروع اللى انت خلعت قبل ما تكملة
هتبدأ الحكومة تتحايل على أهلك علشان ترجع وتكمل مشروعك طبعاً ارفض اوى
هتتحايل على اهلك تانى وتقول لك خلاص احنا هنسدد ديونك من فلوس الشعب الممطحون دة
بردو ارفض هتقولك خلاص تعالى وهنسدد ديونك ونمسكك وزارة بردو أرفض علشان ما يعرفوش ان انتم ملهوف عليهم
فيحلقوا لك هيبعتوا تانى طبعا قول لهم انا علشان خايف على مصلحة البلد بس هعمل كدة
وبكده يا سيدي تبقى وزير ونص كمان
_________

الجزء التاني ازاى تبقى محافظ

1- اول حاجة بردو هتعمل الكارنية ...
2- طبعا عتبقى ماسك اتحاد الطلبة اشترط عليهم ان انت لازم تتعين معيد وانت بردو شد حيلك وذاكر
وقول لهم فى الحزب انا لازم ابقى معيد علشان بعد كدة ابقى احضر الدكتوراة وابقى اسقط العيال بتوع الاخوان
3- بعد كدة تبدا تترقى طبعا كل ما اعطيت للحكومة اكتر كل ما درجتك بقت اعلى
4- بعدها ربنا يكرمك وتبقى عميد كلية وبعدها تبقى رئيس الجامعة وتبدأ بقى فى مساعدة الامن والبلطجية فى ضرب الاخوان
على كام رشوة على كام شوية اصلاحات فى الجامعه ترزق منهم بقرشين
واهو كلة فداء للوطن وللزعيم اطال الله عمرة
5- فى مدينة الطلبة لو حصل تسمم لا قدر الله اول حاجة تعملها خد 3- 4 -5 ظباط معاك على كام عسكري امن مركزي
وروح اضرب فى الطلبة اللى بيموتوا وقول لهم قوم يا يا بن ال.. انت وهو وهي وأسجن لك كام طالب كدة على انهم
هم السبب فى الشغب اللى حصل جوة الجامعة واهو كلة فدا الوطن
بعدها باسبوع واحد يا حج هتبقى محافظ على طول
وبعد كدة نشوف انجازاتك فى المحافظة

ادغدغت ومالحقتش تتبلع

كانت كلمة لاحد الاشخاص الموجودين

بدايه الحكاية

كنت راجع من عند المدون عبدالرحمن ابو الغيط النهارد

وكان اولاد عمى هيزورونى النهاردة بعد المغرب

وانا راجع فى الطريق قابلت احد اصدقائى وقال لى مين الل مات

قلت له انا معرفش انا لسه جاى .. شويه وجه واحد تانى قال انت ما تعرفش مين اللى مات

ده فلان .. قلت انا لله وانا اليه راجعون

شويه وجه واحد صاحبى قال لى ما تعرفش واحد مغسل اموات قلت له فلان وفلان وفلان....

المهم رحت انا طبعا وانا فى دماغى انى هروح

وقفنا شوبه صاحبى قال لى ادخل مع اللى بيغسل الميت قلت له لا

واحنا واقفين جاء احد الجيران وقال ..

ياسلام يا اولاد ادغدغت ومالحقتش تتبلع .. تبقى فى حنكك ومايأذنش انها تتبلع

العيال نادو عليا قمت جري لقيت اللقمة لسه فى حنكة

قلت سبحان الله .. المدة اللى والواحد بيستغرقها لحد ما يبلع اللى فى فمة صغيرة جدا

ولما يجي الموت حتى الواحد مش بيلحق يبلع ...... ونحن اقرب اليه من حبل الوريد ...

المهم بعد الكلام دخلت مع الميت اثناء الغسل واول ما دخلت كنت مش مصدق ان انا شايف امامى واحد ميت

بدأنا فى الغسل وانا كل اللى بفكر فيه

ازاى الواحد مش بيحس بكل اللى بيحصل له دة

ازاى لايملك لنفسه ان اى حد يخلع له الهدوم اللى هو لابسها

ازاى احنا بنقلبه يمين وشمال من غير ما يدافع عن نفسة

ازاى الروح لما بتخرج من الجسد يبقى الجسد كانة ولا حاجه

عرفت ان كل اللى بيتباهى بعضلاتة وقوتة وجبروتة بين الناس

هيجى اليوم يقلبه الناس شمال ويمين ويبقى عبرة لكل الناس ادى اللى كان بيرهب الناس لما يمشى فى الشارع

وكل اللى بفكر فيه دلوقتى ان اجسامنا مكونة من جزئين الروح والمادة( الجسد)

احنا طول عمرنا ينغذى الجسد وينعطى له كل اللى يحتاج اليه

حنى فى اوقات المرض بنسرع الى الطبيب علشان نعالج الجسد خايفين ليموت

وعمرنا ما فكرنا اننا نغذى الروح

عمرنا نا فكرنا اننا نعالج الروح

حتى عمرنا ماكنا خايفين على الروح احسن تموت

رغم ان الروح لوخرجت من الجسد الجسد هيموت

انا شايف اننا لازم نهتم بالروح شويه بقى

مين الاولى دلوقتى بالاهتمام الروح ولا الجسد

______________________

لعل الكثير لا يحب سماع هذا الكلام ويعتبرة كلام فاضى وفى قضايا مهمة لابد من ان نتكلم فيها

ولكن هذا ما شعرت به

حسيت ان كل واحد فينا لازم يقف مع نفسة شويه قبل الموت ما يجيى

خصوصا المهتمين بالقضايا السياسيه وعلى راسهم انا

ولكن اكثر ما اثر في انا هذة الكلمة

ادغدغت ومالحقتش تتبلع

هذا بلاغ للناس ولينذروا به وليعلموا انما هو اله واخد وليذكر اولوا الالباب.

فستذكرون ما اقول لكم وافوض امري الى الله ان الله بصير بالعباد

دعوة للحب

منذ اكثر من اسبوعين حلمت حلما .. بس مش زى حلم صاحب محمد عاطف بتاع سلامات يا حرية
وهذا الحلم لانسان كم احبه كثيرا وهو الان مسافراً للعمل بالخارج
حلمت بانه رجع من سفره والتقى كل واحد منا بالاخر لقاء الحبيب بمحبوبه
لقاء شوق وحب وطمأنينه فاخذ كل واحد من الاخر بالاحضان حتى بكينا بكاءاً شديداً
حتى أننى استيقظت من نومي فزعاً وعندما افقت بكيت بكاءاً شديداً
حتى انة من المرات التى احسبها لنفسى التى بكيت فيها بجد
وظللت فى حاله فزع وخوف على حبيبى عدة ايام
وزاد هذا الخوف ان صاحبى لم يتصل بى كل هذة الفترة
فتذكرت الايام الخوالى عندما كنا نجلس سوياً نتكلم فى عن مشاكلنا الشخصية
والمشكلات التى تواجه المجتمع وتواجهنا فى دعوتنا
وعندما كان يمر احدنا بمشكله والاخر يظل معه حتى يخرج منها
تذكرت عندما كنت اظل اتكلم دون توقف ولا يعارضنى فى كلامى ولا يقاطعنى حتى انتهى
فترتسم على وجهه ابتسامة عريضة ويقول لى انى احبك فى الله
هكذا كان يخفف عنى همومى وهكذا كان يشاركنى فيها
كان اول من بفهمنى ويفهم شخصيتى وطبيعتى ومازال
__________________
اليوم رجعت الى المنزل حوالى الساعه الواحدة والنصف بعد منصف الليل
فتحت ايميلى الشخصى فوجدت شخص يطلب منى الاضافه فرفضت اكثر من مرة
حتى قال لى انه صاحب صديقى وانه معه فى السفر فحينها قبلت الاضافة فى الحال
وتكلمت مع صديقى واخى وحبيبى
عندما بدات معه كلامى كدت ان ابكى وانا نادرا ما ابكى مهما كانت الظروف
وهو اول ما سمع صوتى انهار فى البكاء حتى انه لم يستطع الكلام
وكان من ضمن كلامنا مع بعضنا البعض نصر غزة وكيف احوال الشعب المصرى ورد فعله تجاة القضيه
وقلت له شئ احسست به من ايام قلت له محمد انت بتحب مص
ر قال انا بعشق كل ذرة تراب فى مصر اقبل قدم اى واحد فى مصر
فسالت نفسى سوالا طيب انت بتحب مصر ؟؟
طبعاً الجواب معروف بصراحه قلت مش عارف
كما قال الشاعر قالوا لى بتحب مصر اخدنى صمت طويل وجت فى بالى ابتسامة وانتهت بعوبل
راح صاحبى ارسل لى هذة القصيدة
...............
شَبابَ النيلِ إِنَّ لَكُم لَصَوتًا" "مُلَبّى حينَ يُرفَعُ مُستَجابا فَهُزّوا
العَرشَ بِالدَعَواتِ حَتّى" "يُخَفِّفَ عَن كِنانَتِهِ العَذابا
أَمِن حَربِ البَسوسِ إِلى غَلاءٍ" "يَكادُ يُعيدُها سَبعًا صِعابا
وَهَل في القَومِ يوسُفُ يَتَّقيها" "وَيُحسِنُ حِسبَةً وَيَرى صَوابا
عِبادَكَ رَبِّ قَد جاعوا بِمِصرٍ" "أَنيلًا سُقتَ فيهِمُ أَم سَرابا
حَنانَكَ وَاهدِ لِلحُسنى تِجارًا" "بِها مَلَكوا المَرافِقَ وَالرِقابا
وَرَقِّق لِلفَقيرِ بِها قُلوبًا" "مُحَجَّرَةً وَأَكبادًا صِلابا
أَمَن أَكَلَ اليَتيمَ لَهُ عِقابٌ
..........

ساعتها عرفت ان مصر عكس البنات كل ما تبعد عنها كل ما تحبها اكتر

......
اخى محمد حمدى انى احبك فى الله ويشهد الله على ذلك
.
.
.
ارجوا من باقى الاخوة انهم ما يزعلوش منى
والله انا بحب اخوانى كلهم بس كل واحد بيمتاز بصفة
انى احبكم فى الله

محمد خيري أخد إفراااااااج

محمد خيرى اخد افرااااااااج
ايه
محمد خيرى اشتغل فى الاخراج
بقولك محمد خيري أخد افراااااااااااج
اااااااااااه محمد خيري أخد افراج
الف الف مبروك والله يا عم الحج فرحت له
بيقولوا طيب وأبن حلال
مين بقى محمد خيري دة ؟
!!!!!!
أوف يعنى بعد كل دة ما تعرفش مين هو محمد خيري
انا مش عارف ايه اللى خلانى اقولك انت بس
هقولك وامري لله
محمد خيري جلسة المحاكمة بتاعته كانت يوم الثلاثاء اللى فات 27/1/2008
وحكمت له المحكمة بالبراءه
والحمد لله وصل النهاردة البيت
ايوة ايوة عرفته مش دة اللى كان معتقل بتهمة التضامن مع غزة
ايييييييوة هو
بردو ما اعرفوش
والله غبي
اسيبكم بقى علشان محمد وحشني اوى وعايز اسلم عليه
انا جاي لك يا كبيييييييييير

وعقبال يا رب باقى الشرفاء المعتقلييين