من وصايا الامام البنا

إن الاخلاص أساس النجاح وإن الله بيده الامر كله .
, وان اسلافكم الكرام لم ينتصروا إلا بقوة ايمانهم وطهارة أرواحهم وإزكاء نفوسهم وإخلاص قلوبهم وعملهم عن عقيدة واقتناع..
جعلوا كل شئ وقفاً عليها حتى اختلطت نفوسهم بعقيدتهم ,وعقيدتهم بنفوسهم !!

فكانوا هم الفكرة وكانت الفكرة إياهم .
فإن كنتم كذلك ففكروا والله يلهمكم الرشد والسداد واعملوا
, والله يؤيدكم بالمقدرة والنجاح .

وإن كان فيكم مريض القلب . معلول الغاية . مستور المطامع مجروح الماضى.!! فأخرجوه من بينكم , فإنة حاجز للرحمة حائل دون التوفيق

تحميل كتاب علشان ما تنضربش على قفاك

كتاب مهم جدا جدا يجب قراءته

التحميل من هنا

الخميس، مارس ١٩، ٢٠٠٩

ادغدغت ومالحقتش تتبلع

كانت كلمة لاحد الاشخاص الموجودين
بدايه الحكاية
كنت راجع من عند المدون عبدالرحمن ابو الغيط النهارد
وكان اولاد عمى هيزورونى النهاردة بعد المغرب
وانا راجع فى الطريق قابلت احد اصدقائى وقال لى مين الل مات
قلت له انا معرفش انا لسه جاى .. شويه وجه واحد تانى قال انت ما تعرفش مين اللى مات
ده فلان .. قلت انا لله وانا اليه راجعون
شويه وجه واحد صاحبى قال لى ما تعرفش واحد مغسل اموات قلت له فلان وفلان وفلان....
المهم رحت انا طبعا وانا فى دماغى انى هروح
وقفنا شوبه صاحبى قال لى ادخل مع اللى بيغسل الميت قلت له لا
واحنا واقفين جاء احد الجيران وقال ..
ياسلام يا اولاد ادغدغت ومالحقتش تتبلع .. تبقى فى حنكك ومايأذنش انها تتبلع
العيال نادو عليا قمت جري لقيت اللقمة لسه فى حنكة
قلت سبحان الله .. المدة اللى والواحد بيستغرقها لحد ما يبلع اللى فى فمة صغيرة جدا
ولما يجي الموت حتى الواحد مش بيلحق يبلع ...... ونحن اقرب اليه من حبل الوريد ...
المهم بعد الكلام دخلت مع الميت اثناء الغسل واول ما دخلت كنت مش مصدق ان انا شايف امامى واحد ميت
بدأنا فى الغسل وانا كل اللى بفكر فيه
ازاى الواحد مش بيحس بكل اللى بيحصل له دة
ازاى لايملك لنفسه ان اى حد يخلع له الهدوم اللى هو لابسها
ازاى احنا بنقلبه يمين وشمال من غير ما يدافع عن نفسة
ازاى الروح لما بتخرج من الجسد يبقى الجسد كانة ولا حاجه
عرفت ان كل اللى بيتباهى بعضلاتة وقوتة وجبروتة بين الناس
هيجى اليوم يقلبه الناس شمال ويمين ويبقى عبرة لكل الناس ادى اللى كان بيرهب الناس لما يمشى فى الشارع
وكل اللى بفكر فيه دلوقتى ان اجسامنا مكونة من جزئين الروح والمادة( الجسد)
احنا طول عمرنا ينغذى الجسد وينعطى له كل اللى يحتاج اليه
حنى فى اوقات المرض بنسرع الى الطبيب علشان نعالج الجسد خايفين ليموت
وعمرنا ما فكرنا اننا نغذى الروح
عمرنا نا فكرنا اننا نعالج الروح
حتى عمرنا ماكنا خايفين على الروح احسن تموت
رغم ان الروح لوخرجت من الجسد الجسد هيموت
انا شايف اننا لازم نهتم بالروح شويه بقى
مين الاولى دلوقتى بالاهتمام الروح ولا الجسد
______________________

لعل الكثير لا يحب سماع هذا الكلام ويعتبرة كلام فاضى وفى قضايا مهمة لابد من ان نتكلم فيها
ولكن هذا ما شعرت به
حسيت ان كل واحد فينا لازم يقف مع نفسة شويه قبل الموت ما يجيى
خصوصا المهتمين بالقضايا السياسيه وعلى راسهم انا
ولكن اكثر ما اثر في انا هذة الكلمة
ادغدغت ومالحقتش تتبلع

هذا بلاغ للناس ولينذروا به وليعلموا انما هو اله واخد وليذكر اولوا الالباب.
فستذكرون ما اقول لكم وافوض امري الى الله ان الله بصير بالعباد

هناك ٩ تعليقات:

  1. السلام عليكم
    اولا معذرة على دخولي مدونتك واعتذر لجميع المدونين والمدونات لتقصيري في حقهم جميعا

    ثانيا
    اسم الموضوع جذاب جدا
    ثالثا والاهم بصراحة تدوينة تجعلنا نرجع ونحاسب انفسنا على مافات وننظر الى حاضرنا ومستقبلنا
    ونغذي ارواحنا مع اجسادنا
    واكيد تجربة انك تدخل تغسل ميت دي غيرت فيك كتير وخلتك تفكر في حاجات كتير
    يارب احسن خاتمتنا جميعا وثبتنا عند اللقاء
    جزيت خيرا

    ردحذف
  2. استاذ عبده
    وجزاك الله كل الخير

    بنت مسلمة مصرية وجزاك الله كل الخير

    شرفت بمروكم الكريم

    ردحذف
  3. ربنا يحسن ختامنا جميعا
    بجد مقاله صعبه اوى واكيد كانت تجربه جديده وصعبه بالنسبالك بس بجد هى دى الحقيقه التى يغفل عنها الجميع
    وما الحياه الا محطه ننتظر فيه استكمال المسيره
    والاخره خيرا وابقى
    جزاك الله كل خير يا استاذى الفاضل

    ردحذف
  4. ادغدغت وملحقتش تتبلع
    لأ الموضوع اسرع من كده فين بقى ملحقتش تتدغدغ ( الموت أقرب لاحدكم من شراك نعله ) لعلنا نتعظ منها قصه ، بل لعلنا نعمل بما قرأنا
    اللهم انفعنا بما نكتب ونقول واحسن ختامنا وتوفنامسلمين

    ردحذف
  5. ...
    . . .
    . . .
    . . .
    . . .
    . . .
    . . .
    . . .
    ....................
    .الموت قادم فأين انت.
    ....................
    . . .
    . . .
    . . .
    . . .
    . . .
    . . .
    . . .
    ...

    ردحذف
  6. غير معرف
    وجزاك الله خيرا

    احمد المصري
    اسال الله عز وجل ان نكون من الذين اذا قالوا عملوا واذا عملوا اخلصوا واذا اخلصوا تقبل منهم


    محمد خيري

    يارب دايما اجعلنا من الذاكرين للموت

    شرفت بمروركم الكريم

    ردحذف
  7. لا إله إلا الله

    حاجة فعلاً غريبة

    كله بيد الله سبحانة وتعالى
    دمت بكل ود اخى العزيز
    وجزاك الله خير

    ردحذف
  8. ساندوا المدون أحمد محسن الذي أعتقل للمرة الثانية بواسطة جهاز أمن مبارك

    تضامن مع المدون أحمد محسن ورفاقه وطلاب جامعة الفيوم المضطهدين

    لا للظلم ولا للقهر ولا للإستعباد

    إننا في رابطة مدوني الفيوم نطالب جميع اصحاب الضمائر الحية بعدم الإستسلام لسياسة التخويف المتبعة لدي نظام أمن مبارك والمقاومة السلمية حتى أخذ جميع حقوق الوطن المهدرة

    http://www.freefayoum.blogspot.com

    ردحذف

هاااااااااااه
لسه بتفكر